නටඹුන් කියන්නෙ මාර වැදගත් දෙයක්. ඒව හරහා පුලුවන් ජාතියක රටක ඉතිහාසය නැවත කියවන්න. මේක මරු වැඩක්. වෙනම subject එකක්. හැබැයි මේකෙදි මට මෙහම අදහස් දෙකක් තියෙනවා. ටිකක් විතර පිස්සු ඒත් වෙන්නත් පුලුවන් විදි දෙකක්.
එක..
නටඹුන් කියන්නෙ පට්ටපල් බොරු මවාපෑමක් කියලා කිව්වොත්. දැන් හිතුවොත් අපි මේ ඉතුරු වෙලා තියෙන ගල් කණු, මැටි කෑලි, චිත්‍ර, සෙල්ලිපි වගේ මොනවමහරි දේවල් වලින් අපි හදනවා හෙන ස්ටෝරි එකක්. ඉතිහාසය කියලා. ඒකෙ මේ හැම ගලකටම චිත්‍රෙකටම මාර තැනක් දීලා හෙන පෞඬ මෙව්ව එකක් ක්‍රියේට් කරනවා. ඒක හරිද?
හරි හරි වැරදි හරි මෙහෙම බැලුවොත්. ඒ කාලෙ හිටපු එක රජෙකුට පුලුවන් අනාගතේදි ඒ history එක read කරන විදිය සම්පූර්ණයෙන්ම වෙනස් කරන්න. රටත් හොඳට යනවා. යුද්ධ නෑ. මිනිස්සුත් සතුටින් ඉන්න කාලෙක රජතුමාට කරන්න දෙයක් නැති කමට පොර හිතනවා ටිකක් අමුතු වැඩක් කරන්න. ඒකට පොඩි ආතල් ක්‍රියේටිව් ගතියකුත් තියෙන්න ඕන. ඒ කාලෙත් නැතිවයැ එහෙම උන්.
පොර තීරණය කරනවා ඒකාලෙ රටේ හිටපු වැඩකාරයො ටිකක් දාලා රට වටේම තැනින් තැන අමුතු තැන් වල ගල් කණු හිටවන්න. අමුතු හැඩයේ ගල් කණු ටිකක් අත්භූත පෙනුමක් තියෙන විදියට හිටවලා තියන්න. මහා පර්වත වල ඔහේ මොකක්හරි absurd කැටයම් ටිකක් කොටවන්න. පට්ට කැලෑ අස්සෙ එක එක නම් දාලා සෙල්ලිපි කොටවන්න. කොටින්ම කිව්වොත් අතීතය විකෘති කරන්න. එහෙමත් නැත්තං හෙන සංකීර්ණ කරන්න.
ඒවයෙ ඇති මඟුලක් නෑ. හැබැයි අවුරුදු දාස් ගාණකින් බලද්දි මොකක්ද යකෝ මේ කියලා හිතෙන්න වැඩේ කරනවා. උදාහරණයක් විදියට කිව්වොත් සීගිරියෙ තියෙන අපි හැමෝම දන්න තරු දොරටුව එහෙම එකක් වෙන්න බැරිද. නිකං ආතල් එකට කිසිම හේතුවක් නැතුව කොටපු එකක්. දැං ඇඟට කඩන් පනින්න එපා. එහෙමමයි කියලා නෙවෙයි කියන්නෙ. Can be නෙ.
දෙක..
මේ අපි කියවන ඉතිහාසය කියවන්න අපිට තියෙන දැනුම හා සාක්ෂරතාවය ඇතිද? මොහොතකට හිතුවොත් මේ හැමදේම read කරන්න වෙනම භාෂාවක් තිබුනා කියලා. ඒක දන්නැතුව මේ එකක්වත් තේරුම් ගන්න බැරිනං. ඇත්තටම අපි කියවලා තියෙන ඉතිහාසෙම පට්ටපල් බොරුවක් වෙනවා.
අර තරු දොරටු කැටයමටම අපි මේක දාලා බැලුවොත්. ඒක එහෙම තිබුණට ඇත්තටම ඒක දැනටමත් සක්‍රීය star gate එකක්නං. අපිට සමාන්තර ලෝක අතර එහෙමත් නැත්තං කාලය හරහා ගමන් කරන්න පුලුවන් එකක්නං. හැබැයි ඒක activate වෙන්න අවශ්‍ය passwords අපි ලඟ නැත්තං. තව විදියකට කිව්වොත් ඒක සට පට ගාලා පණ ගහල එන විදියෙ තන්ත්‍ර මන්ත්‍ර මොනාහර ඒ කාලෙ තිබුණනං. ඒ තාක්ෂණය අපිට දැන් නැති හංදා ඒවට access කරන්න බැරි වෙලා නං.
ඒක නිකං අපි දැන් පාවිච්චි කරණ තාක්ෂණය ගැන මොන බයිලා ගැහුවත් Laptop, i pad, i phone මොන මඟුල තිබුනත් බලශක්තිය කියන දේ සදහටම මේ ලෝකෙන් අතුරුදහන් වෙච්ච යුගයකට මේ හැම උපකරණයක්ම නිකම්ම නිකං යකඩ කෑලි ටිකක් විතරනෙ. අවුරුදු මිලියන ගානකින් i phone එකක පොසලයක් කියන්නෙ ඩයිනෝසර් පොසිලයක් තරංවත් වැඩක් නැති නිකංම නිකං මොකක්ද එකක් විතරයි. ඒක පැහැදිලි කරගන්න අවශ්‍ය දැනුම සාක්ෂරතාවය ඒ වෙද්දි නැතිවෙලා තියෙන්න පුලුවන්.
එහෙම බැලුවොත් ඇත්තටම දැන් අපි ඉතිහාසය කියලා කියවලා තියෙන පොත් පත් වල දාගෙන පාඩම් කරන පුරාවස්තු කියලා දමාගෙන ආරක්ෂා කරන දේවල් ඇතුලත් මේ කතාව එහෙම්පිටින්ම වැඩකට නැති පුස්සක් වෙන්නත් පුලුවන්.
