"හෙල්මට් සාපය"

ආචාර්ය ආතල් ඩොනෙන් කොයිල් හෙරණට රචනා කරන දොරලොක් හෝම්ස් කතාමාලාවේ මීලඟ කතාව "හෙල්මට් සාපය"

වලාකුලු වලින් පිරුනු බේකර් වීදියේ සිහින් පොද හිසට වැටීම වම් අතින් වළක්වමින් මා අඩි ඉක්මන් කරමින් පැමිණියේ රනිල්ගේ කලිසම සිහිකරවන මගේ කලිසම දකුණතින් අල්ලගෙනය. සුපුරුදු 221B දොර විවෘත කරමින් තරප්පු පෙළ දිගේ ඉහළට දිවගියේ අඩියට දෙකටය.

එවිට හොම්ස් සිටියේ සිය සුපුරුදු හාන්සි පුටුවේ ඇළවීගෙන පුවත් පතක් බලමින් සිය දුම් පයිප්පයද මුවැතිවය. විශ්වය පුරා විහිදී ගිය පොදු ජය ජන රාවේ මෙන් සාලය පුරා විහිදී ගොස් තිබූ දුම් රැලි අතරින් මා එනු දුටු හොම්ස් අතැති පුවත් පත ටීපෝව මතට දැම්මේ හසරංගට හයක් ගැසුවාම හිනාවෙන හතුරුසිංහ මෙන් කුප්ප සිනහවකින් මුව සරසාගෙනය..

"මේක හරි අපූරු ප්‍රවෘත්තියක් වොට්සන් බලන්න මේ සම්බන්ධය දිහා..

▪ 6 Nov 2023: මැතිව්ස්ගෙ හෙල්මට් සිද්දිය වෙනවා

▪ 7 Nov 2023: ඇඟිල්ලක ආබාධයක් නිසා ශකිබ්ට ලෝක කුසලාන තරඟය අහිමි වෙනවා

▪ 18 Mar 2024: මුෂ්ෆික මැතිව්ස්ගේ හෙල්මට් සිද්දිය උපහාසයට ලක්කරමින් හැසිරෙනවා

▪ 19 Mar 2024: ඇඟිල්ලක ආබාධයක් නිසා මුෂ්ෆිකට මීලඟ ටෙස්ට් තරඟාවලිය අහිමි වෙනවා

හොම්ස්ගේ වචන අනුගමනය කරමින්, සජිත්ගේ රැස්වීමක ඉංජෙක්ෂන් වල නම් අසා සිටින හොරෝපතානේ මැගිලින් අක්කා මෙන් පුවත්පතේ ක්‍රීඩා තීරුව දෙස දෑස යොමා සිටි මා, ඔහුගේ මීලඟ වාග් විලාෂයෙන් තිගැස්සුනි.

"පුලුවන් තරම් ඉක්මණට ලෙස්ට්‍රේඩ්ව සම්බන්ධ කරගන්න වොට්සන් මේක එසේ මෙසේ සෙල්ලමක් නෙවෙයි..

මේක සාපයක්...."

හෝම්ස් කියූ දෙයට සැණෙන් ක්‍රියාත්මක වූ මා අතැති ඇපල් අයිෆෝන් සික්ස් එක්ස් ප්ලස් දුරකතනයේ "පිං ලෙසා" ලෙස සේව් කර ඇති ලෙස්ට්‍රේඩ්ට ඇමතුවෙමි. ආන්ස කරන ලද දුරකතනය හෝම්ස් අතට දුන් පසු ඔහු අපහට ඒමට ස්ථානයක් කතා කරගත්තේය.

එදින හවස 4ට සිය නවාතැන වෙත ඒමට කියූ හෝම්ස් සිය කාමරයට ගොස් දොර වසාගත්තේ දුරකතනය මගේ අතේ තැබීමෙන් පසුවය. ගිවිසගත් පරිදි 4ට මා බේකර් වීදියේ නවාතැන වෙතට ගමන් කරමින් සිටින විට දුටු දෙයින් පුදුමයට පත්වුනෙමි. හෝම්ස්ගේ දොර අසල බිත්තියට හේත්තු වී සිටියේ අන් කිසිවෙක් නොවේ. හතුරුසිංහයි. ආපු දෙසටම හැරෙන්නට හදද්දිම සුපුරුදු කටහඬක් ඇසී නැවත හැරී බැලුවෙමි. "බයවෙන්න එපා වොට්සන්, මේ මම.." ඈ බං ගල්හිපාටු වල්පඳුරු බේසිකයො තව ටිකෙං මගෙ පිලමන්ට් එක යනව තෝ කරන කුප්ප වැඩ වලට කියා හිතිං හිතාගෙන "මේ මොකද හෝම්ස් මේ?" කියා විමසුවෙමි.

"උඩ සෝෆා එක උඩ ඇති ඇඳුමක් ඒකත් ඇඳන් ඉක්මණට පහළට එන්න. ඔය සපත්තු දෙක හොඳයි. දැනටමත් අපි පරක්කු වැඩියි.." කියා හෝම්ස් යතුර මා අත තැබුවේය. උඩට නැග පුටුව උඩ තිබූ ඇඳුම අතට ගත් මා එය අඳින්නට සැරසුනි. මේ මොන ඇටලබ්බක්ද යකෝ මේ. අඟල් පහක විතර කොට කලිසමක් සමඟ මේස් බැනියමක් එහි විය. මේක ඇඳගෙන මූ ලිඳක්වත් ඉහින්න මාව එක්ක යනවද දන්නෑ. ඇයියකෝ. ඒ මදිවට සපත්තුත් දාලා. කලවානෙ වත්තක සුපිරින්ටන් කමක් හම්බවෙච්ච මීගමුවෙ ධීවරයෙක් වගේ. පාරෙ බැහැලා යන්නෙ කොහොමද යකෝ මේව ඇඳං. මං ඩොක්ට කෙනෙක් කියල නිකමටවත් මූ හිතන්නෑනෙ අම්මප. කමක්නෑ. අදට විතරක් යනව. මං හිතින් හිතුවෙමි.

පහළට බැස්ස මා දුටු හෝම්ස්ගේ ඇස් උඩ ගියේය. "ආ ඔය ඉන්නෙ ජැන්ඩියට. අපූරුයි වොට්සන්, හරිම අපූරුයි.." ජැන්ඩියට නෙවෙයි ඉන්නෙ මේ මැන්ඩියට. දෙන්න හිතෙනව උස්බකිස්තාන් හොට දිග ප්ලැටිපසාට වඳ පීදෙන්න. හෝම්ස් හතුරුසිංහට ඇඳ මොන නැටුමක් නටන්න යනවාදැයි මා වික්ෂිප්ත සිටියෙමි.

එකවරම පැමිණි පික්මී එකක් අප අසල නැවැත්තුවේය. අපි එයට ගොඩ විය.

මතු සම්බන්දයි...