කඳුපාර ඈත අයිනේ හොල්මං සිංදුවක්... 🧟‍♀

කඳුපාර ඈත අයිනේ හොල්මං සිංදුවක්... 🧟‍♀

මිල්ටන් මල්ලවාරච්චි කියන අත්භූත (Horror) ෂානරයට අයත් වෙන ගීතයක් ගැන අහල තියෙනවද? බැලූ බැල්මට මේ සරල ආදර ගීතයක්. ඒත් ටිකක් ගැඹුරින් විශ්ලේෂණය කලොත් මේකෙ ගුප්ත කතාව එළියට ගන්න පුලුවන්. අපි මුල ඉඳන් පටන් ගමු. මේක කියවන්න කලින් ටිකක් මං දාලා තියෙන පිංතූර ටික පොඩ්ඩක් බලල ඉන්න. මොකද ඔෆිස් එකක, බස් එකක, ඇඳක් උඩ, ගහක් උඩ ඉන්න ගමන් නිකංම මේ horror ගතිය ඇඟට එකපාරම දැනෙන්නෑ. මේ ෆොටෝ ටික බලල තව බලල තියෙන horror ෆිල්ම් ටිකක මතක හිටපු සීන් ටිකකුත් මතකෙට අරගන්න. Shutter වගේ ෆිල්ම් එකක්නං වඩාත සුදුසුයි. මොකද මේක romance horror එකක්. ඒ වගේම අවවාදයක් දෙන්නං. ⚠ ඔයා තනියම නිදාගන්න රෑට හීනෙන් බයවෙන කෙනෙක්නං ඉතුරුටික කියවන්න එපා.. 

කදුපාර ඈත අයිනේ

සද රෑක ඈ සිනාසේ

වේදනා සිතාරයේ

ඒ ගීත රාවේ ඈසේවා

ජීවිතේ පුරා...

ටිකකට හිතන්න කඳුසහිත පලාතක පාලු පාරක තනියම වාහනේ යන තරුණයෙකුට ඇහෙනව කාන්තාවකගෙ හිනා හඬ. මූසල තනිකම රජකරන කට්ට කලුවර වටපිටාවක වේදනාවෙන් වැයෙන සිතාරයක හඬත් එක්ක ඇය කැමතිම ගීතයක ලතෝනිය ඇයගේ හඬින්ම කන ලඟ කොඳුරනව ඇහෙනව. ඔව් දැන් ඈ නෑ. ඇගේ මතකය ජීවිතේ පුරාවටම ඔහුගේ මනසේ හොල්මං කරනව. මේ ගීතය කියන්නෙ අන්න එහෙම රාත්‍රියක තනිවම ගමන් කරන තරුණයෙක්.

වාහනයේ තනියම ගමන් කරන වෙලාවක තමන්ගෙ එහා පැත්තෙ සීට් එකේ ඉඳගෙන, හිටියට වඩා ටිකක් සුදුමැලි වෙච්ච මුහුණකින්, බෙල්ලත් ලාවට ඇදකරගෙන, තමන් දිහා වටේ අඳුරුපැහැ වුනු තද කලුපාට ඇස් වලින් තියණු විදියට බලාගෙන, ලාවට හිනාවෙලා එයා කැමතිම සිංදුව වෙනදට වඩා බොහොම හෙමින් මුමුණන ඇය තමයි ඔහුගෙ පෙම්වතිය...

යාලුවී දෙවටේ එදා

කී කතා අසා...

පාළුවී හෑඩුවා සදා

මාරුතේ පවා...

මේ තරුණය තමන්ගෙ වාහනේ නවත්තනව පාර අයිනෙ තවත් පාලු පාරකට හැරෙන තැනක. ගරාවැටුනු ලී වැටක් ඒ පාරෙ තැනින් තැන තියෙනව පෙනුනෙ යංතමට වගේ. පරිසරය හරිම අඳුරුයි. හඳ එළිය විතරයි. ඒ පාර දැක්කම මේ තරුණයට මතක් වෙනව මේ දෙන්න යාලුවෙලා හිටපු කාලෙ මේ වගේ පාරක අත් අල්ලං ගියපු හැටි. ඒ අඳුර මැද්දෙං ඇයගේ ඡායාව හෙමින් හෙමින් කලුවර පැත්තට ඇදීගෙන ගියේ ඒ පරණ පුරුදු මතකය ආයිත් හිතට මතක් කරල දීල. දෙන්න කතාකරපු ආදර දෙබස් එක්කම දෙන්නගෙ ආදරණීය හිනා හඬ පරිසරයේ ඈතින් ලාවට ඇහෙන්නවත් එක්කම ඒ මහ කලුවර මැද්දෙන් ආපු සීතල හුලං පාරකින් ඔහුගේ මුලු ඇඟම හිරිවැටුනෙ කන ලඟම ඇහුනු ඉකිබිඳින හඬක දෝංකාරයකින් මුලු හිතම තිගස්සන ගමන්.

ගං ඉමේ මාදං කෑලේ

පාසෑලේ පුරා...

මා සොයා ආවා වගේ

වෙන්වෙලා ගියා...

ඒ හැඬුම ඔහුව ඒ පාලු පාර දිගේ ඇවිද්දුවෙ ඉබේටම වගේ. හෙමින් හෙමින් කැලැව ඇතුලට යන මේ තරුණයට තමන්ගෙ ගමේ මාදං කැලේ සිහියට ආවේ ඒවත් එක්ක දෙන්නගෙ මතකය මේ පරිසරය ආයිත් මතක් කරල දෙන නිසා. මේ කැලේ ටිකක් එහාට වෙන්න ගරාවැටුනු ගොඩනැඟිලි කීපයක් දකින මේ තරුණය ඒ පැත්තට යන්නෙ ඔහුට ඔහුගෙ පාසැල මතක් වුනු නිසා වගේම කවුද කෙනෙක් ඒ දොර ගාව ඉන්නව දකින නිසා. මේ වගේම කැලෑබද පැත්තක තිබුනු පාසැලක මේ වගේම පංති කාමරයක එල්ලිලා මැරුණු ඔහුගේ පෙම්වතියව හොයාගෙන යන මේ තරුණය ලඟට එන ඒ සුදුපැහැ ඇඳගත් සුදුමැලි මුහුණක් තිබුනු රූමත් තරුණිය ඔහුගේ මුහුණ යංතමින් අල්ලනවත් එක්කම අතුරුදහන් වෙලා ගියේ පලාතම මූසල අඳෝනාවක දෝංකාරයකින් වසාගනිමින්..

මා සොයා ආවාවගේ..

ඈ..

වෙන්වෙලා ගියා..

ළමයි හම්බවෙන්න කලිං..පස්සෙ..

ළමයි හම්බවෙන්න කලිං..

බලන්නකො අප්ප අර ළමයි හදන හැටි. කෑගහනව සත්තු වගේ. මේ බලන්නකො විනාස කරනවනෙ ගෙදරම. හැමතැනම චිත්‍ර ඇඳල.. මංනං ඔහොම නටන්න දෙන්නෑ. බලන්නකො..

හම්බවුනාට පස්සෙ..

ළමයි ඉතිං කෑ නොගහ වාඩිවෙලා ඉන්නවනං ලෙඩක්නෙ. මෙහෙම තමයි ළමයි කියන්නෙ. මේවනං ඉතිං අස්කරගන්න බැරියැ.. බිත්ති වල අඳින එක නවත්තන්න හොඳනෑලු. මනස වර්ධනය අඩුවෙනවලු. ළමයි වුනාම දඟලල කරල ඉන්න එපැයි.

**********************************************

ළමයි හම්බවෙන්න කලිං..

අර ලමයි වත්ත වටේ ඇවිද ඇවිද කවන්නෙ. අර.. මොනතරං ජරාවද අප්පා මේ ළමයි නිකං ලෙඩකරනව විසබීජ කවලා. එකතැනක වාඩිකරවල කන්න පුරුදු කරන්න එපැයි පොඩි කාලෙ ඉඳන්ම. ප්‍රැක්ටිස් එකක් විදියට හැමදාම එකම පුටුවක එකම තැනක කෑවනං ළමයි වුනත් පුරුදු වෙනව අප්ප. ළමා විසේසඥයො කොච්චර කියනවද. මං ඊයෙත් ටීවී එකේ දැක්ක.. අපරාදෙ මේ ළමයි.. පව්..

හම්බවුනාට පස්සෙ..

මේ මං උඹට කියන්නෑ. කනවනං කාපං. මේක මල කරුමයක්නෙ. එක තැනක ඉන්න බැරිද..

මොනාහරි කරල මුන්ට කවන්නත් ඕන. නැත්තං මුංගෙ අඬවැඩියාව ඉවරයක් නෑනෙ. (හිතිං)

දුවලනං බේරෙන්න හදන්නෙපා පුතෝ කොහෙගියත් මං මේ ටික කවල තමයි පස්ස බලන්නෙ.. යකෝ මෙච්චර තියෙන පෝසන සේරම දාලා දෙන්න පුලුවන් හොඳම විදියට මහන්සිවෙලා හදන කෑම එක විසිකරන්න පුලුවන්ද.. මෙහෙ එනවද මං ඔතනට එන්නද?? ආ...

**********************************************

ළමයි හම්බවෙන්න කලිං..

ඇත්තටම ළමයින්ට ෆෝන් දෙනව කියන්නෙ කරන්න පුලුවන් අන්තිම නරක වැඩක්. තනිකරම කුඩු ගැහුව වගේ ඇබ්බැහිවෙනවලු නේ. මොලේ විකාර වෙනව ඕව බැලුවම. බලන්නකො තියෙන ඒව ඒවගෙ.. දෙන්නෙනං නෑ මං කොහොමවත්. මගෙ ෆෝන් එකත් අයින් කරානං හරිනෙ. එතකොට ළමයි එහෙම එකක් දකින්නෙවත් නෑනෙ..

හම්බවුනාට පස්සෙ..

මේක දුන්නොත් විතරනෙ මේකා ටිකක් හරි වාඩිවෙලා ඉන්නෙ. යක්සාවේස වෙලා වගේ ගේ වටේ දුවනව දුවනව. මාත් මනුස්සයෙක්නෙ අප්පා. ෆෝන් එක දුන්නම ඉන්නව හෙලවෙන්නැතුව. ඔය කියනතරං අවුලක් නෑ. හොඳට බලල හොඳම ඒව විතරක් බලන්න දුන්නම හරිනෙ. මං ලඟ ඉන්නවනෙ. අනික ඉතිං මුං මෙල්ල කරන්න මීටවඩා එකකුත් නෑනෙ. අනේ මේ ෆෝන් හොයාගත්ත එකානං බුදුවෙන්නෝන..

**********************************************

ළමයි හම්බවෙන්න කලිං..

බලන්න අර සමන්තිගෙ ලමයිනං මරවනව අප්පා. හැමදාම ක්ලාස් ක්ලාස් ක්ලාස්.. එක නාඩියක් නිවනක් නෑ. එහෙම කරන්න හොඳනෑනෙ අප්ප ළමයින්ට. ඒ ළමයිංගෙ ලමාකාලේ කාමර අස්සෙම ගෙවිල යනව. කිසිම සෙල්ලමක් පිටස්තර දෙයක් නෑ. පව් අප්පා.. මංනං ජීවිතේට මගෙ ළමයින්ට එහෙම කරන්නෑ..

හම්බවුනාට පස්සෙ..

මේ කොහෙද දුවන්නෙ. මෙන්න මෙතන වාඩිවෙලා මේක කරනව. කොච්චරවත් දුවන්නමයි හදන්නෙ. ලොකුවුනාම ගැරේජ් එකක් කරන්නද හිතාගෙන ඉන්නෙ. තව ටිකකින් ක්ලාස් එකක් තියෙනව නේද. ඒකෙ වැඩ ටික බලාගත්තද. ඊයෙ 10ට ඉවර වුනු එකේ පොත බලාගන්න. සර් කිව්වනෙ උදේම පංති කියල. අධ්‍යාපනයෙ වටිනාකම ඔයාලට තේරෙන්නෑ දැන්ම. අවුරුදු 13යිනෙ තියෙන්නෙ. ඒ ටික මහන්සි වෙලා කරන්නෝන. නටන්නනං බැරියැ කවදහරි..

**********************************************

ළමයි හම්බවෙන්න කලිං..

අයියෝ පුදුම වදයක්නෙ අර ලමය දෙන්නෙ. දකින දකින එක ඉල්ලල අඬනව. මගෙ එහෙමනං දෙනව ආයි. ඇයි අප්ප. විලි ලැජ්ජයිනෙ. මිනිස්සු ඉස්සරහ. හුරතල් කරනවනෙ එයාලත්. පුදුම මුරණ්ඩුයිනෙ ඒ ළමයා.. 

හම්බවුනාට පස්සෙ

හරි හරි අඬන්නැතුව ඉන්න ඉතිං. අරං දෙන්නං. ඔයාට අපි හැමදේම දෙනවනෙ පුතේ. කෑගහන්නැතුව කියන දේ අහන්නකො. 

ඇයි ගෙදරත් මේකම තියෙනවනෙ මගෙ පුතේ.. (රහසින්)

බුදු අම්මේ සද්දෙ.. කෑගහන්නෙපා.. ලැජ්ජාවෙ බෑ.. ඉන්න ඉන්න අරං දෙන්නං.. ආ මේකද.. ආ ආ.. දැං හරිද..

**********************************************

ළමයි හම්බවෙන්න කලිං..

අර බලන්නකො අර ලමයා කොච්චරවත් චොක්ලට් කන එකමයි වැඩේ. දෙමව්පියොත් දැනගන්න එපැයි අප්පා. දත් ටිකත් ඉවර ඇති. කොච්චරවත් kfc, පීසා හට් එකෙං කකා පුදුම වසනෙ අප්පා. ගෙදරක හදල හොඳට කාලම නැතුව ඇති ඔය ලමයි. විස කවල අනේමංද පව් ඒ ලමයි..

හම්බුනාට පස්සෙ..

අදත් මොනාහරි අරං යන්නෝන. ඊයෙ ගෙනිච්ච චොක්ලට් ටික කෑවෙ පැනගෙන.. පව්.. අද පීසා එකක්වත් ගෙනියන්නෝන. පව්නෙ අප්පා අර ගෑණි හදන ජරාව කකා හැමදාම ඕකුංගෙ දිවවල් කුණුවෙනව ලඟදිම. ඉඳල හිටලවත් රස කෑමක් කෑවෙ නැත්තං පව් ඒ ළමයි..

Based on true events

අවාසනාවට ඇත්ත කතාවක්.. 😬

පරණ හිංදි ආතල්..

මේ ලඟදි ඉඳං මං යූ ටියුබ් එකේ මෙන්න මේ පරණ සිංදු අහන්න ගත්තා. ඒවා තාමත් රහයි. ඇත්තටම අහං ඉන්න ආසයි. ඒ කාලෙට ඒ මතකෙට යනව විතරක් නෙවෙයි හරිම අමුතු හැඟීමක් එක්ක ඒ ෆිල්ම් වල සිද්දි පවා මතක් වෙනව. ඒක මරු. 

මේ කියන්නෙ ඒ සිංදු ගැන නෙවෙයි ඒ සිංදු වල විෂුවල් මතකද. හිනා කාලා මැරෙනව. සාජන්, දිල් වලින් පටන් අරන් රිතික්ලගෙ කාලෙ පටන්ගන්නකල්ම තිබුනු සිංදු වල උං නටන විදි දැක්කම "හත්තිලව්වේ අරූට මක්වෙලාද" හිතෙනව.

සමහර ඒවයෙ තියෙන ස්ටෙප්ස් ඇත්තටම හදපු උං හොයං ගිහිං මොන මඟුලක්ද බං අරූට අර කරන්න දුන්නෙ කියල අහන්න හිතෙනව. සමහර ඒවයෙ ෂාරුක් උඩටයි යටටයි හුලං ගහනව. තව සමහර ඒවයෙ සල්මන් රබර් වතු දිගෙ මුනිං අතට බඩගගෙන සුපර් මෑන් වගේ එනව. ගස්වල එල්ලිලා ඔලුව පහලට දාං මොකක්ද එකක් කරනව. බෙලි දික් කර කර, අතපය කොර කරගෙන දාන සමහර ඩාන්ස් වලට සිංදුවත් අමතක වෙනව.

සමහර සිංදු වල සල්මන් කරන දේවල් දැක්කම හිතාගන්න බෑ මූ කවද මානසික රෝහලකින් පැන්න එකෙක්ද කියල. දැනුත් කියල උගෙ ඩාන්ස් වල මහලොකු වර්ධනයක් වෙලා නෑ තමයි. ඒත් අරවයෙ මේ යකා නටන්න හෙන ට්‍රයි එකක් දෙනව. ඒනිසාද මංද අමරදේවගෙ සිංදුවක් නිහාල් නෙල්සන් කියනව වගේ වෙලා තියෙන්නෙ. බැරිනං නිකං ඉන්න එපැයි. ඒ තරං අප්පිරියයි.

අක්ෂේ ගත්තොත් මාෂල් ආට් ඉගෙනගෙන ඒ ඉන්ඩස්ට්‍රි එකේ වෙනම විදියක නමක් හදාගත්ත නලුවෙක්නෙ. හැබැයි වැඩේ තියෙන්නෙ ඌ නටන්නෙත් ගහගන්නව වගේ. අපිට කෑගැස්සෙනව. දැන් ගෑණිට පාරක් වැදිල විසිවෙයි කියල හිතෙනව අතපය උස්සද්දි. අපිටත් බය හිතෙනව බලං ඉද්දි.

අමීර් වුනත් දැන් මේ ජෙන්ට වගේ හිටියට. ඒකාලෙ පත ෂර්ට් එකක් ඇඳන් බඩ උඩිං කලිසම ඇඳගෙන නටනව කියල එකක් කරනව දැක්කම අපිට ඇඬෙනව. 

අමීර්ගෙ විතරක් නෙවෙයි හැමඑකාම එකයි. යකෝ ඒ ඇඳුං. ආයි කිසි හිරිකිතයක් නැතුව කෙල්ලවත් ඒ අස්සට බැස්සුවෑකි ඇඟේ ගෑවෙන්නැතිවෙන්න. ඒ තරං සයිස්. කෙල්ලංගෙ ස්ටෙප්ස් ගැන කතා කරන්නම දෙයක් නෑ. දේකාහේ පෙහෙලේ බාර් එකේ එහෙම මධුරිට දීලා තියෙනව ඉල ඇදෙන ෂේක් ටිකක්. බලං ඉද්දි අපේ ඉල ඇදෙනව හිනාවෙලා. කරිෂ්මා, ජුහී, රවීනාල කියල කිසි වෙනසක් නෑ නටනව ආයි නැටිල්ලක් පණ එපා කියල.

නලුවන්ගෙන් වුනත් සායිෆ්, සංජේ, නානා පටේකාර්, අනිල් කපූර්, ගෝවින්දා, අජේ වගේ හැම එකෙක්ම අපරාදෙ කියන්න බෑ පුදුම දක්ෂ විදියට නටල තියෙනව දැන් දැක්කම ටිවී පොලොවෙ ගහන්න හිතෙන්න. මට තියෙන ප්‍රශ්ණෙ අපි ඒ කාලෙ මේව කොහොම දරාගෙන බැලුවද කියල. දැන්නෙ ඒවගෙ කැත පේන්නෙ. අනේ මංදා. අපිත් එච්චර ගොංවෙලා හිටියද කියල හිතෙනව. 

ඔය ස්ක්‍රීන් ෂොට් දාලා තියෙන්නෙ එහෙම සිංදු කීපයක සුපිරි ස්ටෙප්ස්. ලඟපාතක කවුරුවත් නැති වෙලාවක ඔය දාලා තියෙන නම්ටික නිකමට යූ ටියුබ් search කරල බලන්න. පට්ට.. ඇත්තටම ඒ සිංදු වල නියම ආතල් එක ගන්න ඕනනං ඒ වීඩියෝ එක්ක ඒ සිංදු අහන්නෙපා. සිංදුව අමතකම කරල වීඩියෝ එක බලන්න. ඒක වෙනම ආතල් එකක්.

#hindi #ආතල් #oldhits #පව්බං #songs #dance

බීම..

 

බොන්න කලිං.. 👨🏻‍💼 Gentlemen mode

මචං අදනං කලින් පටන් ගන්නෝනි. 5ටවත් හරි. වැඩ සේරම සටපට ගාලා ඉවර කරල. කලින් පටන් අරන් කලින් ඉවර කරමු. රෑ වෙන්න බෑ මචං. 6 වෙද්ද බැබලි බැබලි ඉන්න ඕන මචං. බයිට් පැකට් එකයි බිත්තර ඔම්ලට් එකයි ඇතිනෙ. හතරදෙනත් එක්ක එක බෝතලයක් ගැහුව. 7 බස් එකේ ගෙදර ගියා. සිංදු කිය කිය නට නටා රෑ වෙන්න බෑ මචං. ෂේප් එකේ ගැහුවා ගෙදර ගියා. මරුනෙ බං. කාටවත් කරදරයක් නෑ. සල්ලිත් ඉතුරුයි.. එල..

ටිකක් බිව්වම.. 🦸🏻‍♂️ Superhero mode

කොහෙද මචං උඹලත් එක්ක බෑනෙ. 5ට කිව්වට 7යිනෙ පටංගද්දිම. මූ ආවෙ 8ටත් කිට්ටු කරල. අවුලක් නෑ. හැමදාම බොන්නෑනෙ. බොනඑක හොඳට බොන්නෝනි. දෙවනි බෝතලෙත් තව ටිකයිනෙ. අවුලක් නෑ තව භාගයක් ගේමු. මදිනෙ බං. සිංදුවක් කිව්වෙත් නෑනෙ හරියට. ආතල් එකක් දාලම යං. ත්‍රීවිල් එකකම යමං. හැමදාම නෙවෙයිනෙ බං. BBQ චිකන් එකකුත් ගෙනෙං. සල්ලි එකතු කරපං. ආ මේක ගනිං. උඹල ඉතිං බොක්කෙ සෙට් එකනෙ මචං. ආයි ඉතිං බොනඑක අතදිගෑරල බොන්නෝනි. මචං තව සුපිරි නම්බරයක් අල්ලපං කලිං වගේ..

පහුවදා... 🧟‍♂️ Zombie mode

අප්පා බං.. මොකක්ද බං ඒ ජරාව. තාම කැරකෙනව යකෝ. තෝ තමයි පරක්කුත් වෙලා. තව භාග තුනක්ද හතරක්ද ඉවරයි. ආයිනං මාස දෙක තුනකට බොන්නෑ මචං. මං හිතන්නෙ මට 3000ක් විතර ගියා. ගෙදරට යද්දි කීයද මංද බං. එහෙම්ම ඇඳං වැඩට ආව. ගිය විදියක් ආව විදියක් මුකුත් දන්නෑ. තොපි ආයිනං මට කතා කරන්න එපා. මල ජරාව බොන්න. ඩෙක්ස්ට්‍රෝස් එකකුත් ගැහුව. ඒත් අවුල් තැඹිලි ගෙඩියක්වත් බොන්නෝනි.. පාප මිත්‍රයො ආශ්‍රය කරනවට අපිට ගහන්නෝනි. මොනාද බං අර කිව්ව සිංදු. චිඃ විතරක් කටේ තියන්න බෑ. ආයිනං බොන්නෑ තොපිලත් එක්ක..

Moral 🤔🤔

අරක්කු වලින් මුදලේ වටිනාකම, කාලයේ වේගය, යාලුවන්ගේ ස්වරූපය, ගෙදරට ඇති බිය, සංගීත රසාස්වාදය ආදිය ගැන හැඟීම් මුලුමනින්ම කනපිට පෙරලයි.

ඓතිහාසික ලංකා සංචාරක දූපත 😳

 

අනුරාධපුරේ පොළොන්නරුවෙ ආපු හැම වෙලාවකම මට හිතුනු දෙයක් තමයි මිනිස්සු මේ දේවල් තනිකරම වැරදියට අල්ලගෙනද මන්ද කියල. මේ අටමස්ථාන, පුදබිම්, සංස්කෘතික වටිනාකම් දීලා මේ ප්‍රදේශ හදපු ඇත්ත හේතු යට ගහල එක එක්කෙනාගෙ දේශපාලනික අරමුණු වෙනුවෙන් යොදාගෙන කියල.

නිකමට හිතුවොත් මේ අනුරාධපුරේ කියන්නෙ ඒකාලෙ තනිකරම අර සිංගප්පූරුවෙ සෙන්තෝසා අයිලන්ඩ් වගේ සංචාරක පුරවරයක් කියල. තැන් තැන් වල ඉදිකරල තියෙන මේ චෛත්‍ය, පොකුණු, වැව්, ගොඩනැඟිලි වගේ දේවල් වල තිබිල තියෙන්නෙ එක එක ඇක්ටිවිටීස්. ඒව වෙන වෙනම ඇට්‍රෑක්ටිව් ඉවෙන්ට් තිබුනු අමුතු තැන්. අපි මේ සුදු ඇඳගෙන, මල් තිය තිය, වැඳ වැඳ යන්නෙ ඉස්සර ලෝකෙ වටේ මිනිස්සු සතියක් දෙකක් අරන් ඇවිත් නතර වෙවී, කාලා, බීලා, නාලා හෙනම රිලැක්ස් වෙච්ච සිරාම ඇඩ්වෙන්ච' පැරඩයිස් එකක නෂ්ටාවශේෂ උඩ වෙන්න බැරිද.

අපි ඔය රෙදි වටේ ඔත ඔත පුද පූජා පවත්වන අභයගිරිය, රුවන්වැලිසෑය, ථූපාරාමය වගේ චෛත්‍ය කියන්නෙ ඊජිප්තුවෙ පිරමීඩ වගේ අමුතු නිර්මාණ වෙන්න බැරිද. ඒව ඇතුලෙ වෙනම අමුතු අමුතු අත්දැකීම් ගන්න මොනවහරි තාක්ෂණික භාවිතාවක් තිබුන වෙන්න පුලුවන්. සෙන්තෝසා වල යුනිවසල් ස්ටුඩියෝ එක වගේ. වැව්, කුට්ටම් පොකුණ, සත්මහල් ප්‍රාසාද, වටදාගෙවල්, මාළිගා, සීගිරිය කියල දැන් හඳුන්වන තැන් මේ යෝධ සංචාරක භූමියේ මේන් ඇට්‍රෑක්ෂන් පොයින්ට්ස් වෙන්න බැරිද. පස්සෙ කාලෙක මේව මැද්දෙ බුදුපිළිම තිබ්බ වෙන්නත් පුලුවන්නෙ.

එතකොට මේවා අපේ රටේම අය හැදුව වෙන්නත් ඕන නෑ. කවුරුහරි අපිව පාලනය කරපු පිරිසක් අතින් ඉතාම තාක්ෂණිකව වගේම හරිම කලාත්මකව කරපු ප්‍රොජෙක්ට් එකක් වෙන්න පුලුවන්. එහෙම හිතුවොත් අපේ රට ඒ කාලේ ලෝකෙම මාර ආකර්ශණිය රටක් කියන එක වගේම, දැන් චීන්නු නැතුව පාරකට තාර දාගන්නවත් බැරි අය කොහොමද එහෙම ඒව කලේ කියන එකත් සාධාරණීයකරණය වෙනව.

කොහොමවුනත් ඒ කාලේ මේ සිරා සිද්ධි අත්දැකපු එකෙක් (ටයිම් ට්‍රැවල් කරල හරි) බැරිවෙලාවත් මේ කාලේ අනුරාධපුර පොළොන්නරුව වගේ පැති වල නිකමටවත් ආවොත් "යකෝ අපේ 10D ස්ටා' ගේට් යුනිට්ස් වටේ රෙදි ඔත ඔත, ඩයිනෝ ඇරීනා වල හඳුන්කූරු පත්තු කර කර, වෝට' ඇඩ්වෙන්ච' ඒරියා වල බාල්දි වලින් නනා, ම'කරි එයාක්‍රාෆ්ට් යාඩ් වල මල් තිය තිය දණගහගෙන මේ යක්කු මොන මඟුලක් කරනවද දන්නෑ" කියල පු#$0 හිනාවෙයිනේ.

මෙහි ඇති නම් ගම් සියල්ලම මනඃකල්පිත බව කරුණාවෙන් සලකන්න..